RONALDO KAMILI GADO KUWASASAMBUA ATLETICO MADRID FAINALI YA UEFA

Posted by: Gemmstore on 10:15 PM in Michezo 0

Hapa dole tu: Cristiano Ronaldo anatarajiwa kuitumia Real Madrid katika mchezo wa fainali ya UEFA.

Hakuna tatizo: Ronaldo alifanya vizuri mazoezi leo ijumaa kwa mujibu wa kochaCarlo Ancelotti

 Imechapishwa Mei 23, 2014, saa 11: 15 usiku

MWANASOKA bora wa dunia, Cristiano Ronaldo anatarajia kuiongoza Real Madrid katika mchezo wa fainali ya UEFA kesho jumamosi dhidi ya mahasimu wao wa jiji, Atletico Madrid, amesema kocha Carlo Ancelotti.

Nyota huyo wa kimataifa wa Ureno hajacheza tangu alipopata majeruhi katika sare ya 1-1 dhidi ya Valladolid mei 7 mwaka huu, na alitarajiwa kucheza katika mechi ya mwisho ya La Liga dhidi ya Espanyol, lakini aliondolewa katika kikosi ikiwa ni tahadhari ya mchezo wa kesho wa UEFA.

Hata hivyo katika mazoezi ya leo mjini Lisbon, Ronaldo ameonekana kama hana tatizo lolote, hivyo kesho atapambana kutafuta ubingwa wa 10 wa UEFA kwa Real Madrid.

'Mazoezi ya leo ni muhimu sana. Nadhani Ronaldo hana tatizo lolote". Alisema Ancelotti katika mkutano na waandishi wa habari leo ijumaa.