Daima ukisema ukweli Tanzania jua maisha yako yapo hatarini

Posted by: Gemmstore on 5:33 PM in Michapo 0

Hivi inaweza kuwa kweli? Ukimjumlisha na huyu bwana wa EWURA Wazalendo na Wasema Kweli Wataisha.

 

Kifo cha Mgimwa kiliingia kwenye mlolongo

wa vifo kadhaa vyenye utata vilivyowahi

kutokea nchini katika kipindi cha miaka 20

iliyopita.

Mawaziri wawili waliopata kuongoza Wizara

ya Fedha nao wanadaiwa kufa katika

mazingira ya kutatanisha, miongoni mwao

akiwa Profesa Kighoma Ally Malima aliyekufa

Julai 16, 1995.

Alipojiengua CCM na kuhamia NAREA (NRA),

Prof Kighoma alikwenda Makka katika hijja

ya UMRA. Kabla ya kwenda kwake huko

aliahidi pindi atakaporudi Tanzania atakuja

kutoa yaliyopo moyoni mwake. Baada ya

kumaliza hijja alielekea Uingereza na mauti

yakamkuta huko.

Ilienea katika kila kona ya Tanzania kuwa

inawezekana kuna FITNA iliyosababisha kifo

chake japokuwa wengine wanasema hakuna

FITNA yoyote.

Steven Kibona, aliyepata kuwa Waziri wa

Fedha enzi za Alhaj Ali Hassan Mwinyi,

pamoja na aliyekuwa Gavana wa Benki Kuu,

Gilman Rutihinda, nao walikufa vifo vya

utata.

Kuna taarifa zilizodai kwamba, wazalendo

hao walikataa kuchapisha fedha na

kuziingiza kwenye mfumo kwa kutambua

kwamba kufanya hivyo kungeongeza

mfumuko wa bei na ugumu wa maisha

ungeongezeka.

Kibona alipelekwa na aliporejea huko

akaanza kuumwa. Ikaelezwa kwamba

amekula vyakula vya Kihindi ndiyo maana

alikumbwa na tumbo la kuhara kwa sababu

ya ugeni wa chakula. Hakukaa muda mrefu

akafariki dunia.

Rutihinda naye alipata ajali asubuhi tu akiwa

anatoka nyumbani kwake. Taarifa

zilizokuwepo ni kwamba ilikuwa ajali ya

kawaida!

Mwingine ambaye kifo chake kina utata ni

Horace Kolimba. Huyu anajulikana kwa kauli

yake aliyoitoa kwamba CCM haikuwa na dira

wala mwelekeo. Akaitwa Dodoma 'kuhojiwa'.

Lakini Machi 15, 1997 majira ya saa 11 jioni

wakati akijiandaa kutoa maelezo yake,

akadondoka ghafla. Walipompeleka hospitali

ya Mkoa wa Dodoma tayari alikuwa 'wa

jana'.

Hivi, hakuna anayeweza kutoa taarifa rasmi

kuhusiana na vifo hivi vyenye utata au kifo

cha kiongozi yeyote kinapotokea mpaka

tusubiri 'redio mbao'?

Nawasilisha.

 

Source:By Babalao 2 Via JF