NHIF YAWAHIMIZA WAKAZI WA MKOA WA LINDI NA MTWARA KUPIMA AFYA ZAO

Posted by: Gemmstore on 11:36 AM in 0

Katibu Msaidizi wa CCM wilaya ya Lindi vijijini,Bw Ngatiche

akipima afya yake katika banda la NHIF alipotembelea banda hilo katika

viwanja vya nanenane Ngongo

Naibu waziri wa kilimo na chakula  ,Godfrey Zambi  akipokea

maalezo mbalimbali kuhusiana na NHIF Toka kwa meneja wa mkoa wa Lindi Bi Fortunata Kullaya huku Mkurugenzi wa masoko Bw Raphae mwamoto  akisikiliza kwa umakini kuhusiana na Chf inavyofanya vizuri wilayani Nachingwea. 

 Banda la Mfuko wa Taifa wa Bima ya Afya linalotoa huduma na

ushauri katika viwanja vya Nane nane Lindi.

 Mkurugenzi wa masoko na Utafiti NHIF,Raphael Mwamoto akiwa

katika Picha ya Pamoja na Waziri wa Mifugo na Uvuvi Mhe Titus

Kamani(MB) pamoja Naibu waziri wa kilimo na ushirika,Mhe Godfrey Zambi

na Mbunge wa Jimbo la Mtwara mjini,Hasnein Murji mara baada ya

ufunguzi wa maonesho ya nane nane mkoani Lindi.

Na Abdulaziz-LINDI.

Mfuko wa Taifa wa Bima ya Afya nchini (NHIF), umewahimiza wakazi wa
mikoa ya Lindi na Mtwara kutembelea banda la mfuko huo kwa ajili ya
kupima afya zao kwenye maonyesho ya wakulima 'Nanenane'.
Wito huo umetolewa na Naibu waziri waziri wa kilimo,chakula na
Ushirika,ZAMBI Mara baada ya kukagua banda la  la mfuko huo katika
viwanja vya Ngongo mjini Lindi yanayofanyika kitaifa mkoani humo mwaka
huu.

Akiongea na waaandhishi wa habari,Naibu waziri huyo alieleza
kuridhishwa kwake na huduma zinazotolewa na mfuko huo hususani mfuko
wa Afya jamii(CHF) Ambao kwa aslimia kubwa umeleta tija na kupunguza
gharama kwa wateja wake hususan Vijijini.

'Waandishi nawaomba muendelee kuutangaza mfuko wa chf kwa kuwa umekuwa  mkombozi kwa mwananchi mwenye kipato cha chini Ni dhamira ya Serikali    kusaidia huduma hii ndio maana michango Inayochangiwa jamiii kwa kaya   Serikali nayo hutoa kiasi kama kilichongawiwa ili kuongeza ufanisi wa   dawa katika zahanati na vituo vya afya;Alimalizia Zambi.

Akitoa taarifa ya mfuko huo,Mkurugenzi wa Masoko na Utafiti wa NHIF,
Raphael Mwamoto, alisema hiyo ni fursa kwa wanachama na wasio
wanachama wa mfuko huo kujua afya zao ikiwemo kuonana na wataalamu wa    huduma za afya kwa ushauri na Tiba bila malipo na huduma zinazotolewa  ni kwa kila mmoja si kwa wanachama pekee.

Mfuko  unaamini kuwa ni  rahisi kudhibiti magonjwa baada ya vipimo
kuliko kusubiri kutibu ugonjwa ulioenea mwilini Na ndio maana NHIF Ipo
kwa ajili ya jamiii tumejipanga kupima magonjwa mbalimbali ikiwemo
vipimo vya kiwango cha sukari mwilini, shinikizo la damu, saratani ya
matiti, uzito na urefu, kisha kutoa ushauri wa kitaalam kwa
watakaopimwa.

 'NHIF Ipo katika maonesho haya hadi siku ya mwisho unaweza fika kujua
huduma tunazozitoa ikiwemo kujiunga na mfuko wa Afya ya Jamii na pia
tuna madaktari waliobobea kuhakikisha kila anaefika katika banda letu
anapata huduma bora"Alimalizia Mwamoto.

Maonyesho ya Nanenane yanafanyika kitaifa mkoani Lindi katika viwanja
vya Ngongo Maonesho yalifunguliwa na Rais wa Zanzibar na Mwenyekiti wa
baraza la Mapinduzi,Dr Ally Mohamed Shein